Noochruef Karli Bieri

Am 26.Juli 2024 isch dr Karli Bieri elai dehei in synere Wohn-stuube im Heimatland gstorbe.
Obwohl mir langjöhrigi Nochbere und no länger beidi Wettstainlemer gsi sin, hän mir usser e paar Sprüch und eme kurze Plaudere nit vyl von enander gwüsst.
Em Karli isch es genau eso wohl gsi, in dr Nochberschaft isch är für alli aifach dr fründliggi Herr Bieri gsi.
Um während em Spitaluffenthalt dr Briefkaschte z leere oder emool e paar Yykäuf z mache isch er froh gsi, aber me Hilf het er nit welle.
Gjoomeret het är natürlig au nie und syni Sörgeli het er mit e paar Sprüch überspiilt.
In dr Wettstai hän mir nit lang zämme Fasnacht gmacht, well är gli no dr Gründig vo de Gniembbi zue de Passive überträtte  isch.
So weis ich nur no vom Verzelle, dass er langjöhrige Vortrabschef und Materialverwalter isch gsi.
Und in dr Clique isch sy Fründschaft mit em Willy Hunkeler überuss bekannt gsi, als dr Glai und dr Gross vom Vortrab.
Au s Lüüchte vo synere Wettstai-Stäggeladärne, wo är jewils vier Wuche vor dr Fasnacht ans Fänschter im erschte Stock gstellt het, wird ich vermisse.












                       Mit em Karli het uns e treue Wettstainlemer verloo.
                       Dy ehemolige Nochber und Cliquefrind Schnitzge.

die 2 Foti sinn bym Bassivebsuech im Alt Garde Atelier vom Peter Kraus voor dr Fasnacht 2012 ent-stande. Dr Karli isch nit mit leere Händ koo.

<  <  <