Gniembbi-Gründig
Alli wo maine sich "z alt halt“ füüle, um im Stamm no mitzmache, sinn ze-nere Sitzig am 11. Abrille 2024 im Drummel- und Fächtsaal im 2. Stogg vom Reschtaurant Leuezorn yyglaade woorde. D Fäderfierig für e altersgerächts Glyggekonstruggt z schaffe, hänn dr Thomas Brüderlin und d Sandra Widmer übernoo. Dr Thomas, assischtiert vo dr Sandra, isch Phunggt für Phunggt dure gange.
S Ergäbnis isch, dass no fümpf Fasnachte Underbruch, die dritti Wettstai-Ainhait mit em uursprünglige Namme vo anno 1988 „Wettstai Gniembbi“ wiider ab 2025 uff d Gass goot! (s.h. au s Brotokoll under Intärn zfinde)
Drmit dä Bschluss no rächtskräfftig wiird, muess bis zer Generaalversammlig s Reglementarische (wär, wie und was sinn mr) und s Finanzielle (Budget für d Fasnacht 2025) erschaffe wäärde. An dr Blausch-GV 24 vom Samschtig, 08. Juni het denn d Glygge abschliessend z befinde.
Für s neue Emblem z schaffe, het dr Thomas Schürch mit Freud e Uffdraag entgege gnoo.
Do no d Foti vom Toni Lämmle.
Gründigsversammlig Wettstai Gniembbi
< < s Foti zem vergröössere und
wyter blettere aagligge
Am 11. Abrille 2024 isch die 3. Ainhait vo dr Wettstai Clique Basel 1952 im Drummel- und Fächtsaal vom Reschtaurant zem Laiezorn mit em Namme "Wettstai-Gniembbi" s 2.x gründet woorde bzw. ufferstande!
Mee do derzue findsch under dr Chronik im Steggbrief.
Die nit öffentlige Mitdailige kasch under Intärn uff dr Hompage https://alti.wettstai.ch/ aabelaade! Do drunter fallt zem Byspiil s Brotokoll vo dr Generaalversammlig. De bruuchsch aaber e Passwoort.
Bym Digge Pfyffer kasch daas uff ruedi.hintermaa@bluewin.ch aafrooge!
An dr Suscheepräsentazioon vom 24. Oggdoober 2024 het dr Thomas Schürch s neue Gniembbi Logo zaigt.
Es gseet e soo uus:
